(၁၇)ကြိမ်မြောက် အင်္ဂလိပ်ဘာသာ သင်ကြားရေး နှီးနှောဖလှယ်ပွဲကျင်းပ

ရန်ကုန် စက်တင်ဘာ ၂၄

(၁၇)ကြိမ်မြောက် အင်္ဂလိပ်ဘာသာ သင်ကြားရေး နှီးနှောဖလှယ်ပွဲ (ELT Conference 2016) ဖွင့်ပွဲအခမ်းအနားကို “English and Opportunities” ခေါင်းစဉ်ဖြင့် ယနေ့နံနက်(၉)နာရီက ရန်ကုန်မြို့ Novotel Hotel တွင် ကျင်းပရာ ပညာရေးဝန်ကြီးဌာန ပြည်ထောင်စုဝန်ကြီး ဒေါက်တာ မျိုးသိမ်းကြီးက အဖွင့်အမှာစကားပြောကြားသည်။

ထိုသို့ အဖွင့်အမှာစကားပြောကြားရာတွင် ပြည်ထောင်စုဝန်ကြီးက ယခုကျင်းပဆောင်ရွက် သည့် ဗြိတိသျှကောင်စီအနေဖြင့် မြန်မာနိုင်ငံရှိ အင်္ဂလိပ်ဘာသာပြ ဆရာ၊ ဆရာမများ၏ အရည် အသွေးမြှင့်လုပ်ငန်းများ ဆောင်ရွက်ခဲ့သည်မှာ ၁၇ နှစ် တိုင်ပြီဖြစ်ပါကြောင်း၊ ထိုသို့ ဆရာ ဆရာမ များကို သင်ယူမှု အခွင့်အလမ်းများ တစ်စိုက်မတ်မတ်ဆောင်ရွက်ပေးခဲ့သဖြင့် အထူးကျေးဇူးတင်ရှိ ပါကြောင်း၊ ဗြိတိသျှကောင်စီ၏ကူညီပံ့ပိုးမှု အစီအစဉ်များတွင် ကွန်ဖရင့်များကျင်းပခြင်းသာမက သင်တန်းအစီအစဉ်များ ဆောင်ရွက်ခြင်း၊ သင်ထောက်ကူပစ္စည်းများထောက်ပံ့ခြင်းနှင့် ဘာသာရပ် အသီးသီးမှ ဆရာ၊ ဆရာမများ၏အရည်အသွေး တိုးမြှင့်ရေး ဆောင်ရွက်ခြင်းကို ပြုလုပ်ပေးလျက် ရှိပါကြောင်း၊ ၂၀၁၁ ခုနှစ်မှ စတင်ဆောင်ရွက်လျက်ရှိသည့် ဘက်စုံဖွံ့ဖြိုးလွှမ်းခြုံနိုင်သော ပညာရေး ကဏ္ဍလုပ်ငန်း သုံးသပ်ရေးလုပ်ငန်းကို လုပ်ငန်းစတင်သည့် ကာလမှပင် ဗြိတိသျှကောင်စီက စတင် ကူညီထောက်ပံ့ပေးခဲ့ပါကြောင်း၊ ထိုသုိ့ဆောင်ရွက်ပေးမှုကြောင့် ယခုအခါ ပညာရေးမဟာဗျူဟာ စီမံကိန်း(၂၀၁၆-၂၀၂၁)ကို အပြီးသတ်ရေးဆွဲလျက်ရှိပါကြောင်း ပြောကြားသည်။

ဆက်လက်၍ ပြည်ထောင်စုဝန်ကြီးက “Connecting Classrooms Project” ဖြင့် မြန်မာ နိုင်ငံရှိ အခြေခံကျောင်းပေါင်း(၁၀၀)တွင် ဆရာ၊ ဆရာမများနှင့် ကျောင်းအုပ်ကြီးများကို ၂၁ ရာစု ကျွမ်းကျင်မှုများ တိုးမြှင့်လျက် အဆိုပါ ကျွမ်းကျင်မှုများက ပညာခေတ်၏စိန်ခေါ်မှုကို ရင်ဆိုင်နိုင်စွမ်း ရှိသည့် ကျောင်းသားများဖြစ်အောင် ဆောင်ရွက်ပေးလျက်ရှိပါကြောင်း၊ အဆိုပါ လုပ်ငန်းအစီအစဉ် များအရ အင်္ဂလိပ်ဘာသာရပ်များသာမက ICT ကျွမ်းကျင်မှုများကိုပင် ဖြည့်ဆည်းပေးလျက် ရှိပါ ကြောင်း၊ အခြေခံပညာကဏ္ဍသာမက အဆင့်မြင့်ပညာကဏ္ဍတွင်လည်း သုတေသနလုပ်ငန်းများ တိုးမြှင့်ရေးနှင့် အရည်အသွေး မြင့်မားရေးအတွက် အဆင့်မြင့်ပညာကဏ္ဍ နိုင်ငံတကာပညာရှင် များကို ခေါ်ယူ၍ အလုပ်ရုံဆွေးနွေးပွဲများ ဆောင်ရွက်ပေးလျက်ရှိပါကြောင်း၊ ပညာရေးကောလိပ်မှ ဆရာ၊ ဆရာမများကို EfECT စီမံချက်ဖြင့် အရည်အသွေးမြင့်မားရေးလုပ်ငန်းများ ဆောင်ရွက်ပေး လျက်ရှိပါကြောင်းဖြင့် ပြောကြားသည်။

နိဂုံးချုပ်အနေဖြင့် ယခု ကွန်းဖရင့်တွင် အခြေခံပညာကျောင်းများ၊ တက္ကသိုလ်များနှင့် အစိုးရ မဟုတ်သောအဖွဲ့အစည်းများ ပူးပေါင်းပါဝင်ဆောင်ရွက်လျက်ရှိပါကြောင်း၊ ကွန်းဖရင့်၏ ‘Theme’ ဖြစ်သော “English and Opportunities” ကိုကြည့်ပါက အင်္ဂလိပ်စာတတ်ကျွမ်းမှုနှင့် ဘာသာ ရပ်ပေါင်းစုံဖွံ့ဖြိုးတိုးတက်ရေးကို အဓိကဖွံ့ဖြိုးတိုးတက်စေနိုင်သည်ကို ပေါ်လွင်စေပါကြောင်းဖြင့် ပြောကြားသည်။

ယင်းနောက် ကွန်းဖရင့်ကို ဗြိတိသျှကောင်စီ မြန်မာ၊ ဗြိတိသျှကောင်စီ သီရိလင်္ကာ၊ Scholastic Asia၊ Success Language Academy၊ Network International School၊ Myanmar Mobile Education- myME project၊ National Geographic Learning၊ Reward English Language Centre၊ ဗြိတိသျှကောင်စီ ဗီယက်နမ်၊ ရန်ကုန် ပညာရေးတက္ကသိုလ်၊ Wave Myanmar၊ ဗြိတိသျှ ကောင်စီ ဟောင်ကောင်၊ Mote Oo Education၊ Myanmar Metropolitan College၊ ဗြိတိသျှ ကောင်စီ မလေးရှားတို့မှ ဆရာ၊ ဆရာမများနှင့် ဘာသာရပ်ဆိုင်ရာ ကျွမ်းကျင်သူများမှ ဦးဆောင် ဆွေးနွေးကြမည်ဖြစ်ပြီး အလုပ်ရုံဆွေးနွေးပွဲ ၅၆ ခုကို စက်တင်ဘာ(၂၄)ရက်မှ (၂၅) ရက်နေ့အထိ နှစ်ရက်ကြာ ကျင်းပမည်ဖြစ်ကြောင်း သိရသည်။ (ပညာရေး)


နိုင်ငံတော်သမ္မတ ဦးထင်ကျော် ပြည်ထောင်စုတိုင်းရင်းသား လူမျိုးများ ဖွံ့ဖြိုးရေး တက္ကသိုလ် သင်တန်းသား၊ သင်တန်း သူများနှင့်တွေ့ဆုံ

 

နေပြည်တော် စက်တင်ဘာ ၁၄

ပြည်ထောင်စုသမ္မတ မြန်မာနိုင်ငံတော် နိုင်ငံတော်သမ္မတဦးထင်ကျော်သည် ပြည်ထောင်စု တိုင်းရင်းသား လူမျိုးများ ဖွံ့ဖြိုးရေးတက္ကသိုလ် မူလတန်း ဆရာ အတတ်သင် (၃)နှစ်သင်တန်းအမှတ်စဉ်(၄၅)မှ သင်တန်းသား၊ သင်တန်း သူများ အား ယနေ့နံနက် (၉)နာရီခွဲတွင် နေပြည်တော်ရှိ နိုင်ငံတော် သမ္မတ အိမ်တော် ငုရွှေခန်းမ၌ တွေ့ဆုံ၍ သြ၀ါဒအမှာစကား ပြောကြားသည်။

နိုင်ငံတော်သမ္မတဦးထင်ကျော်က မျိုးဆက်သစ် တိုင်းရင်းသား လူငယ်များ ကို တွေ့ဆုံ အမှာစကား ပြောကြားခွင့် ရသည့်အတွက် အထူးပင် ၀မ်းမြောက်ဝမ်းသာ ဖြစ်ရပါ ကြောင်း၊ အားလုံးသိပြီးဖြစ်သည့်အတိုင်း မကြာသေးမီက နေပြည်တော်တွင် ပြည်ထောင်စု ငြိမ်းချမ်းရေးညီလာခံ-(၂၁)ရာစုပင်လုံကို အောင်မြင်စွာ ကျင်းပ ပြုလုပ်ခဲ့ပါကြောင်း၊ ညီလာခံ ကျင်းပမှုကိုလည်း အစမှအဆုံး ရုပ်မြင်သံကြားမှ တစ်နိုင်ငံလုံး တွင်ရှိ သည့် ပြည်သူများ သိရှိနိုင်အောင် တိုက်ရိုက်ထုတ်လွှင့် ပြသခဲ့ပါကြောင်း။

နိုင်ငံတော်က ကြိုးပမ်းဆောင်ရွက်နေသည့် အမျိုးသားပြန်လည် သင့်မြတ်ရေးနှင့် ပြည်ထောင်စုငြိမ်းချမ်းရေး လုပ်ငန်း စဉ်ကို (၂၁)ရာစု ပင်လုံညီလာခံကြီးမှ အစပြုလိုက်ခြင်း လည်း ဖြစ်ပါကြောင်း၊ ဤဖြစ်စဉ်ကြီးတွင် ပါဝင်သင့် ပါဝင်ထိုက်သူများအားလုံးပါဝင်နိုင်ရန် တာဝန်ရှိသူများက ကြိုးပမ်းဆောင်ရွက် နေပါကြောင်း၊ ပြည်သူ များ၏ မျှော်လင့်ချက်များ သည်လည်း ဘယ်ခေတ်၊ ဘယ်အခါနှင့်မျှ မတူအောင် မြင့်မားနေသည်ကို သိကြရမည် ဖြစ်ပါကြောင်း၊ ဤတာဝန်သည် ကြီးမားပါ ကြောင်း၊ နောက် ထပ်ဆွေးနွေးညှိနှိုင်းမှုများစွာ ဖြတ်သန်း ကြရဦးမည်ဖြစ်ပါကြောင်း၊ တစ်ချိန်တည်းမှာပင် တစ်နိုင်ငံလုံး ပစ်ခတ် တိုက်ခိုက်မှုရပ်စဲရေးဆိုင်ရာ သဘော တူစာချုပ်တွင် လက်မှတ်မရေးထိုးရသေးသည့် တိုင်းရင်းသား လက်နက်ကိုင် အဖွဲ့အစည်းများ ပါဝင် လာရန်ကိုလည်း သက်ဆိုင်ရာ တာဝန်ရှိသူများ ကြိုးပမ်းဆောင်ရွက်နေပါ ကြောင်း၊ နှစ်ပေါင်း (၆၈)နှစ်၊ နှစ်(၇၀)နီးပါး ကြာမြင့်ပြီဖြစ်သည့် ပြည်တွင်း လက်နက်ကိုင်ပဋိပက္ခများ ချုပ်ငြိမ်းရန်ဇစ်မြစ်ဖြစ် သည့် နိုင်ငံရေး ပြဿနာ များကို နိုင်ငံရေး နည်းနှင့် ပြေ လည်အောင် ဖြေရှင်းနိုင် ရန်လိုအပ် ပါကြောင်း၊ ထို့ကြောင့် အစိုးရ သစ်လက်ထက်တွင် ထိပ်တန်း ဦးစားပေး လုပ်ငန်းစဉ်ကြီး တစ်ရပ်အနေဖြင့် ကြိုးပမ်း ဆောင် ရွက်နေခြင်း ဖြစ်ပါကြောင်း။

နိုင်ငံရေးပြဿနာများကို စားပွဲဝိုင်း၌ နိုင်ငံရေးနည်းဖြင့် စေ့စပ်ညှိနှိုင်း အဖြေရှာ ကြသည့်နေရာတွင် အရေးကြီး ဆုံးမှာ ပြည်ထောင်စုဖွား တိုင်းရင်းသား အချင်းချင်း အပြန်အလှန် နားလည်ရန်၊ အပြန်အလှန်ယုံကြည်ရန်နှင့် အပြန် အလှန်လေးစားရန် ဖြစ်ပါကြောင်း၊ တစ်နည်းအားဖြင့် တိုင်းရင်းသား စည်းလုံးညီညွတ်ရေးနှင့် တည် ဆောက် ထားသည့် ပြည်ထောင်စုစိတ်ဓာတ် ခိုင်မာရှင်သန်ရန် ဖြစ်ပါကြောင်း၊ ယခုရောက်ရှိ နေကြသည့် သားတို့၊ သမီးတို့သည် ဤရည်မှန်းချက်ကို ကိုယ်တိုင်ကိုယ်ကျ ပါဝင် ဆောင် ရွက် နေကြသူ များပင်ဖြစ် ပါကြောင်း၊ သားတို့၊ သမီးတို့သည် တိုင်းရင်းသား စည်းလုံး ညီညွတ်ရေးနှင့် ပြည်ထောင်စု တိုင်းရင်းသား လူမျိုးများ၏ ဖွံ့ဖြိုးတိုးတက်ရေးကို ထမ်းဆောင်ကြမည့် မျိုးဆက်သစ်ခေါင်းဆောင် များဖြစ်ကြသည့်အတွက် အထူးပင် လေးစား ဂုဏ်ယူမိသည်ကို အလေးအနက်ထားပြောကြားလိုပါကြောင်း။

အမိတက္ကသိုလ်ကြီးတွင် ပညာသင်ကြားလေ့ကျင့်ကြသည့်အခါ တိုင်းရင်းသား အချင်းချင်း တစ်မိုးအောက်တွင် အတူတကွ ချစ်ချစ်ခင်ခင် ကူညီရိုင်းပင်း ခဲ့ကြ သည့် အတွက်လည်း သားတို့၊ သမီးတို့ အတွက် ပြည်ထောင်စု စိတ်ဓာတ်ဆိုသည်ကို အထူး တလည် ပြောပြရှင်းလင်းစရာမလိုသည့် အနေအထားကို ရောက်ရှိနေပြီ ဖြစ်ပါကြောင်း၊ ဤတက္ကသိုလ်ကြီး၏ ရည်မှန်းချက်များသည် ပြည်ထောင်စု တိုင်းရင်းသား မျိုးဆက်သစ်များ အပေါ်တွင် ထားရှိသည့် မွန်မြတ်သော စေတနာများ၊ မျှော်လင့်ချက်များကို ထင်ဟပ် ဖော်ပြ နေပါကြောင်း၊ ပြည်ထောင်စုတိုင်းရင်းသား လူမျိုးများ အားလုံး သွေးစည်းညီညွတ်ရေး အတွက် မျှော်မှန်း ထူထောင်ခဲ့သည့် ဤတက္ကသိုလ်ကြီး၌ ပညာသင်ခွင့်ရခဲ့သည့် ကာလသည် သားတို့ သမီးတို့အတွက် အထူး တန်ဖိုးထားဂုဏ်ယူစရာလည်း ဖြစ်ပါကြောင်း။

ယခုဆိုလျှင် သားတို့ သမီးတို့သည် ဤတက္ကသိုလ်ကြီးတွင် မူလတန်းဆရာ အတတ်သင် (၃)နှစ် သင်တန်းကို တက်ရောက်ခဲ့ပြီး မကြာမီတွင် ပညာရေး ၀န်ထမ်း အဖြစ်ဖြင့် မိမိတို့၏ ဇာတိရပ်ရွာဒေသများ၌ တာဝန်ထမ်း ဆောင်ကြ ရ တော့မည်ဖြစ်ပါ ကြောင်း၊ ယခုကဲ့သို့ နိုင်ငံတော် တာဝန် ထမ်းဆောင်ကြရ သည့်အခါတွင် တိုင်းရင်းသား လူမျိုးများ၏ လူမှုစီးပွားရေး ဘ၀ဖွံ့ဖြိုး တိုးတက်ရေးနှင့် တိုင်းရင်းသား ပြည်သူများ အကြားတွင် ပြည်ထောင်စု စိတ်ဓာတ် ထွန်းကားပြန့်ပွားစေရေးကို စွမ်းဆောင်နိုင်သော ပညာရေး ၀န်ထမ်းကောင်း များဖြစ်အောင် ဆက်လက်ကြိုးစားအားထုတ်ကြရန် အလေး အနက်ထား မှာကြားလိုပါကြောင်း။

တိုင်းရင်းသားများအများစုနေထိုင်ရာ နယ်စပ်ဒေသများသည် အတိတ်သမိုင်း၏ အခြေအနေအရပ်ရပ်ကြောင့် ဖွံ့ဖြိုးမှုနောက်ကျခဲ့သည်ကို တွေ့ရ မည်ဖြစ်ပါကြောင်း၊ အသိပညာတွင်လည်း နောက်ကျကျန်ရစ်ခဲ့သည်လည်း ရှိနိုင်ပါကြောင်း၊ ဤအခြေအနေ တွင် သားတို့ သမီးတို့အနေဖြင့် တတ်နိုင်သလောက် အသိပညာဝေမျှပေးပြီး အလင်းဖွင့် ပေးကြရန်လည်း လိုအပ်မည်ဖြစ်ပါကြောင်း၊ ဤတာဝန်သည် ရာထူးအရ ပေးအပ်သည့် တာဝန်မဟုတ်ပါကြောင်း၊ မိမိတို့ပြည်ထောင်စု၊ မိမိတို့သွေးချင်းများအတွက် မျှဝေ ကူညီ ထမ်းဆောင်ပေးခြင်းဟု မှတ်ယူကြ စေလိုပါကြောင်း၊ ဤအရာ သည် နိုင်ငံတော်က ကြိုးပမ်းဆောင်ရွက်နေသည့် အမျိုးသားပြန်လည် သင့်မြတ် ရေးကို မိမိတို့ တတ်နိုင်သည့် တစ်ထောင့်တစ်နေရာကနေ ပံ့ပိုးကူညီ ဆောင်ရွက် ပေးခြင်းဖြစ် ပါကြောင်း။

သားတို့ သမီးတို့အား ပြောကြားလိုသည်မှာ မူးယစ်ဆေးဝါး၏အန္တရာယ်ကြီး မားပုံကို မိမိတို့၏ စာသင် သားများကို အခါအခွင့်သင့် တိုင်း ဟောပြောပို့ချကာ ဗဟုသုတ တိုးပွားစေပြီး လမ်းမှားကို မရောက်ကြစေရန် ထိန်းကျောင်းပေးရေး ပင်ဖြစ်ပါကြောင်း၊ မျက်မှောက်ကာလတွင် မူးယစ်ဆေးဝါးသည် နယ်စပ်ဒေသ များမှ မြို့ပေါ်အထိ ငယ်ရွယ်သူ ကျောင်းသားများ၊ အနာဂတ်၏ သားကောင်း သမီးကောင်းရတနာများကို ခြိမ်းခြောက် အန္တရာယ်ပြုနိုင်သည့် အလား အလာများ တွေ့နေရပါကြောင်း။

နိုင်ငံတော်၏ တရားဥပဒေစိုးမိုးရေးနှင့် တည်ငြိမ်အေးချမ်းရေး၊ တိုင်းရင်းသား လူမျိုးစုများ၏ လူမှုစီးပွားရေးဘ၀ ဖွံ့ဖြိုးတိုးတက်ရေးကို အနှောင့်အယှက် အဟန့်အတား ဖြစ်စေမည့် ဤမူးယစ်ဆေးဝါးအန္တရာယ်ကို မိမိတို့ သားတပည့်များက တစ်ဆင့် သိကျွမ်းလာမည့် မိဘများကိုပါ အခြေအနေပေးတိုင်း ဆွေးနွေး ပြောကြား စေလိုပါကြောင်း။

အခုလာရောက်သည့် လေ့လာရေးခရီးစဉ်တွင်လည်း နိုင်ငံတော်အစိုးရ၏ ကြိုးပမ်း ဆောင်ရွက်နေသည့် အခြေ အနေများကို သိမြင်နားလည် လာကြရန် မျှော်လင့်ပါကြောင်း၊ ဒီမိုကရေစီဆိုသည်မှာ အစိုးရတစ်ရပ် တည်း သာမက ပြည်သူအားလုံး ပူးပေါင်းပါဝင်မှ အောင်မြင်နိုင်မည်ဖြစ်ပါကြောင်း၊ ဒီမိုကရေစီအတွေ့အကြုံ၊ ဒီမုိကရေစီ အလေ့အထများ အားနည်းနေသေး သည့် မြန်မာနိုင်ငံတွင် အားလုံးဝိုင်းဝန်း လက်တွဲဆောင်ရွက်မှ အခြေ အနေကောင်းများကို ဖန်တီးတည်ဆောက် နိုင်မည်ဖြစ်ပါကြောင်း၊ တစ်ချိန်တည်း မှာပင် တိုင်းရင်း သားများအားလုံး လိုလား တောင့်တနေသည့် ဖက်ဒရယ် ပြည်ထောင်စုကြီး ထူထောင်တည်ဆောက်ရန်အတွက် အမျိုးသား ညီညွတ်ရေးသည် မရှိမဖြစ်လိုအပ်ပါ သည်ကို သားတို့ သမီးတို့နားလည်သဘောပေါက် ထားပြီးဖြစ် မည်ဟု ယုံကြည်ပါ ကြောင်း။

သားတို့ သမီးတို့အနေဖြင့် တက္ကသိုလ်တွင် တက်ရောက်ပညာသင်ယူနေစဉ် မိမိတို့ နှလုံးသားအိမ်တွင် ရရှိစွဲမြဲ လာခဲ့သည့် တိုင်းရင်းသားစည်းလုံး ညီညွတ်ရေး စိတ်ဓာတ်၊ ပြည်ထောင်စုစိတ်ဓာတ်များကို ခိုင်မာ သည်ထက် ခိုင်မာအောင် နောက်မျိုးဆက်လူငယ်များ အား လူသားအရင်း အမြစ်ဖွံ့ဖြိုးရေး အတွက် ပညာ သင်ကြားပို့ချခြင်းနှင့်အတူ စည်းရုံး ဆောင်ရွက် သွားကြရန်၊ လေ့ လာရေးကနေ ရရှိလာသည့် အသိပညာ ဗဟု သုတများ ကိုလည်း မိမိတို့သင်တန်းဆင်းပြီး လုပ်ငန်းတာဝန်ထမ်းဆောင်ကြသည့် အချိန်တွင် အသုံးချ သွားကြရန် မှာကြားလိုပါကြောင်း။

နိဂုံးချုပ်အနေဖြင့် အနာဂတ်နိုင်ငံတော်၏ တာဝန်များကို ပခုံးပြောင်း ထမ်းဆောင် နိုင် မည့် တပည့် သားကောင်းများကို မွေးထုတ်ပေးရန် သားတို့ သမီးတို့အား နိုင်ငံတော်က ယုံကြည်မှုအပြည့်ဖြင့် ပြုစုပျိုး ထောင်ပေး ခဲ့ပြီးဖြစ်ပါကြောင်း၊ နိုင်ငံတော်၏ သားကောင်း သမီးမွန်များပီသစွာ မိမိတို့ကို တာဝန် ပေးအပ်ထားသည့် ဒေသများတွင် လူ့စွမ်းအားအရင်း အမြစ်များဖွံ့ဖြိုး တိုးတက်လာအောင်၊ နယ်မြေဒေသ ဖွံ့ဖြိုးတိုးတက်ရေးနှင့် တိုင်းရင်းသား ညီအစ်ကိုများ၏ လူမှုစီးပွားရေးဘ၀များ တိုးတက် မြင့်မားလာအောင်၊ တိုင်းရင်းသား ပြည်များကြားတွင် ပြည်ထောင်စု စိတ်ဓာတ်ရှင်သန် ပြန့်ပွား လာအောင် ဆောင်ရွက်နိုင်သည့် ပညာရေးဝန်ထမ်းကောင်းများဖြစ်လာအောင် ကြိုးပမ်း ဆောင်ရွက် သွားကြပါဟု ပြောကြားသည်။

ထို့နောက် ပြည်ထောင်စုတိုင်းရင်းသားလူမျိုးများဖွံ့ဖြိုးရေးတက္ကသိုလ် မူလတန်း ဆရာအတတ်သင် (၃)နှစ် သင်တန်းမှ သင်တန်းသား၊ သင်တန်းသူများ ကိုယ်စား ရှမ်းပြည်နယ် နမ့်စန်မြို့နယ်မှပလောင်တိုင်းရင်းသူ မလှမြတ်အေး က ကျေးဇူးတင်စကား ပြောကြားသည်။

ယင်းနောက် နိုင်ငံတော်သမ္မတဦးထင်ကျော်ထံ ပြည်ထောင်စုတိုင်းရင်းသား လူမျိုးများဖွံ့ဖြိုးရေးတက္ကသိုလ်မှ သင်တန်းသား၊ သင်တန်း သူ နှစ်ဦး ကလေ့လာရေးခရီးစဉ် အမှတ်တရ ဂါရ၀ပြုလက်ဆောင် ပေးအပ်သည်။

တွေ့ဆုံပွဲအပြီးတွင် နိုင်ငံတော်သမ္မတသည် ပြည်ထောင်စုတိုင်းရင်းသား လူမျိုးများ ဖွံ့ဖြိုးရေးတက္ကသိုလ်မှ သင်တန်းသား၊ သင်တန်းသူများ နှင့်အ တူစုပေါင်းမှတ်တမ်းတင် ဓာတ်ပုံရိုက်ကြသည်။

ထို့နောက် နိုင်ငံတော်သမ္မတသည် တွေ့ဆုံပွဲသို့ တက်ရောက် လာကြသည့် ပြည်ထောင်စု တိုင်းရင်းသား လူမျိုး များဖွံ့ဖြိုးရေးတက္ကသိုလ်မှ သင်တန်းသား၊ သင်တန်းသူ များ၊ ကျောင်းအုပ်ကြီးနှင့် ဆရာ၊ ဆရာမများအား ခင်မင် ရင်းနှီးစွာ နှုတ်ဆက်အားပေးသည်။

အဆိုပါ တွေ့ဆုံပွဲသို့ ပြည်ထောင်စုဝန်ကြီး ဒုတိယဗိုလ်ချုပ်ကြီး ရဲအောင်၊ ဒေါက်တာ မျိုးသိမ်းကြီးနှင့် နိုင်သက်လွင်၊ ဒုတိယ၀န်ကြီး ဗိုလ်ချုပ်သန်းထွဋ်၊ ဌာနဆိုင်ရာအကြီးအကဲ များ၊ တာဝန်ရှိသူများ တက်ရောက်ကြ သည်။


အမှတ်(၂) အခြေခံပညာ အထက်တန်းကျောင်း အဆင့် တိုးမြှင့် ဖွင့်လှစ်ပွဲ

ကျောက်ဖြူ စက်တင်ဘာလ ၁၀ ရက

ရခိုင်ပြည်နယ်၊ ကျောက်ဖြူခရိုင်၊ ရမ်းဗြဲမြို့နယ်တွင် အမှတ်(၆)ရပ်ကွက်၊ အခြေခံပညာ အလယ်တန်း ကျောင်းကို ၂၀၁၂-၂၀၁၃ ပညာသင်နှစ်အတွင်း အခြေခံပညာ အထက်တန်းကျောင်း(ခွဲ) အဆင့်သို့ တိုးမြှင့် ဖွင့်လှစ်ခဲ့ပြီးနောက် ထက်၊ လယ်၊ မူကျောင်းသားများ ပညာရေးကို အဆင်ပြေချောမွေ့စွာ သင်ကြားနိုင် ရေးအတွက် ဆရာ/မ အင်အားများ တိုးမြှင့်ခဲ့ရာ (၁၀-၉-၂၀၁၆)ရက်နေ့ နံနက်(၁၀)နာရီ အချိန်ကျောင်းအဆင့် တိုးမြှင့်ဖွင့်လှစ်ပွဲ အခမ်းအနားကို ကျင်းပ ပြုလုပ်ခဲ့ပါသည်။

၎င်း အ.ထ.က အဆင့် တိုးမြှင့်ဖွင့်လှစ်ပွဲ အခမ်းအနားသို့ ရမ်းဗြဲမြို့နယ် အုပ်ချုပ်ရေးမှူးနှင့် မြို့နယ်အဆင့် ဌာနဆိုင်ရာများ၊ ကျောက်ဖြူခရိုင် ခရိုင်ပညာရေးမှူးရုံးမှ လက်ထောက် ညွှန်ကြားရေးမှူး ဦးသန်းအောင်နှင့် ရမ်းဗြဲမြို့နယ် ပညာရေးမှူးရုံးမှ ၀န်ထမ်းများ၊ အမှတ်(၂)အခြေခံပညာ အထက်တန်း ကျောင်းမှ ဆရာမကြီး ဒေါ်အေးအေးသန်းနှင့် ဆရာ/မများ၊ ရမ်းဗြဲမြို့ပေါ်ရှိ ကျောင်းအုပ်ကြီးများ၊ ဆရာ/မများ၊ ကျောင်း ကော်မတီဝင်များ၊ ကျောင်းသား/သူများ၊ ကျောင်းသား မိဘများ တက်ရောက်ခဲ့ကြပြီး၊ အမှတ်(၂) အခြေခံပညာ အထက်တန်းကျောင်း အဆင့်တိုးမြှင့် ဖွင့်လှစ်ပွဲကို ကျောက်ဖြူခရိုင် ပညာရေးမှူးရုံးမှ လက်ထောက် ညွှန်ကြားရေးမှူး ဦးသန်းအောင်၊ ရမ်းဗြဲမြို့နယ် အုပ်ချုပ်ရေးမှူး ဦးရဲမြတ်သိန်းနှင့် ရမ်းဗြဲ မြို့နယ် မြို့နယ်ပညာရေးမှူးရုံးမှ လက်ထောက်ပညာရေးမှူး ဦးသိန်းအောင် တို့က ပဲကြိုးဖြတ် ဖွင့်လှစ် ပေးခဲ့ကြကြောင်း သတင်းရရှိပါသည်။

မြို့နယ် ပြန်/ဆက်


ကျောင်းသားမိဘများ စိတ်ဝင်စားလာသည့် မကွေးမြို့နယ် မယ်လှတောင်ကျေးရွာ အနီးရှိ အမှတ်(၅) စက်မှုသင်တန်း ကျောင်းမြင်ကွင်းများ


အဆိုပါ သင်တန်းကျောင်းတွင် အသက်(၁၇)နှစ်မှ(၂၅) နှစ်အတွင်းရှိ (၁၀)တန်းဖြေဆိုဖူးရုံဖြင့် နေထိုင်စရိတ် အခမဲ့ စားစရိတ် (၁)လ နှစ်သောင်းငါးထောင်ကျပ်ဖြင့် (၁)နှစ် တက်ရောက် သင်ကြားကာ ဘဝအာမခံချက်ရရှိနိင်မည် ဖြစ် သည်။
ယင်းကျောင်းကို မြန်မာနိင်ငံနှင့် တောင်ကိုရီးယား နိင်ငံတို့၏ နှစ်နိင်ငံချစ်ကြည် ရင်းနီးမှုအရ အမှတ်(၂) စက်မှုဝန်ကြီး ဌာနနှင့် ကိုရီးယား အပြည်ပြည်ဆိုင်ရာ ပူးပေါင်းဆောင်ရွက်ရေး အေဂျင်စီတို့ ၂၀၁၀ ခုနှစ်က ပူးပေါင်းဆောင်ရွက် အ ကောင်အထည်ဖော်ခဲ့သည့် သင်တန်းကျောင်း ဖြစ်ပြီး သင်တန်းကာလမှာ (၁)နှစ်ဖြစ်ကာ မော်တော်ယာဉ် ပြုပြင်ထိန်း သိမ်းမှုနှင့် ကွန်ပြုတာသုံး ဒီဇိုင်းထုတ်လုပ်မှု သင်တန်းများ စာတွေ့နှင့် လက်တွေ့ ပို့ချ သင်ကြားပေးကြောင်း သိရသည်။
ဓာတ်ပုံ - တင်ရွှေ(မင်းဘူး)


ဆရာဟူသည်…

အောင်ခိုင်မြင့် (ပညာရေး)

''ကျောင်းသားငယ်စဉ် မသွန်သင်က နောင်တွင်ဆရာ သင့်ဝန်တာတည့်'' ဟူသည့်အဆိုကို မှတ်သားခဲ့ဖူးပါသည်။ ကျောင်းသား၊ ကျောင်းသူများကို လူတော်လူကောင်းများ ဖြစ်စေရေးအတွက် ငယ်စဉ်ကပင် ထုဆစ်ပုံဖော် လမ်းညွှန်ပြသပေးကြရမည့်သူများမှာ ဆရာ၊ ဆရာမများပင်ဖြစ်သည်။ လူကြီးလူကောင်းများဖြစ်စေရန် လူငယ်လူကောင်းဖြစ်ရေးကို ဦးစွာပြုစု ပျိုးထောင်ပေးကြရမည် ဖြစ်သည်။ ဆရာကောင်းတပည့် ပန်းကောင်းပန်နိုင်သည်ဟူသည့် ဆိုရိုးများကိုလည်း ယနေ့တိုင် လိုက်နာ ကျင့်သုံးနေကြဆဲ ဖြစ်သည်။

Read more...

ထူးချွန်ဆရာရွေးပွဲ အဆင့်လေးဆင့်ဖြင့်ရွေးချယ်မည်

ရန်ကုန် သြဂုတ် ၂၉
ပညာရေးဝန်ကြီးဌာန၏ ခွင့်ပြုထောက်ခံ မှု ပညာတန်ဆောင်နှင့် တော်ဝင်ဖွံ့ဖြိုး ရေးဖောင်ဒေးရှင်းတို့၏ ပူးပေါင်းဆောင် ရွက်မှုတို့ဖြင့် တတိယအကြိမ်မြောက် ထူးချွန်ဆရာဆုရွေးချယ်ပွဲကို လာမည့် စက်တင်ဘာလအတွင်း ကျင်းပသွား မည်ဖြစ်ကြောင်း ထူးချွန်ဆရာဆု တတိယ အကြိမ်ရွေးချယ်ချီးမြှင့်ရေး ဦးစီးကော်မတီဥက္ကဋ္ဌ ဆရာကြီး ဒေါက်တာ ဦးသန်းဦးက ပြောသည်။

Read more...

ပြည်ထောင်စုဝန်ကြီး ဒေါက်တာမျိုးသိမ်းကြီးနှင့် ပဲခူးတိုင်းဒေသကြီးမှ ပညာရေးမိသားစုများ တွေ့ဆုံပွဲကျင်းပ

ပဲခူး သြဂုတ် ၂၇

ပြည်ထောင်စုဝန်ကြီး ဒေါက်တာမျိုးသိမ်းကြီးနှင့် ပဲခူးတိုင်းဒေသကြီးမှ ပညာရေးမိသားစုများ တွေ့ဆုံပွဲကို ယနေ့နံနက်(၉)နာရီခွဲတွင် ပဲခူးမြို့ မြို့တော်ခန်းမ၌ကျင်းပရာ ပညာရေးဝန်ကြီးဌာန ပြည်ထောင်စု  ၀န်ကြီး ဒေါက်တာမျိုးသိမ်းကြီး တက်ရောက်သည်။

Read more...

ပြည်ထောင်စုဝန်ကြီး ဒေါက်တာအောင်သူ သမဝါယမတက္ကသိုလ်၊ ကောလိပ် များနှင့် အသေးစားစက်မှုလက်မှု လုပ်ငန်း ဦးစီးဌာနတို့တွင် စတင်တာဝန် ထမ်းဆောင်ကြမည့် အရာထမ်းများအား တွေ့ဆုံမှာကြား

နေပြည်တော် သြဂုတ် ၂၃

သမဝါယမတက္ကသိုလ်၊ ကောလိပ်များနှင့် အသေးစားစက်မှုလက်မှု လုပ်ငန်းဦးစီးဌာနတို့တွင် စတင်တာဝန်ထမ်းဆောင်မည့် လက်ထောက် ကထိကများနှင့် လက်ထောက်အင်ဂျင်နီယာများ အရာထမ်း (၈၀) ဦးတို့အား တွေ့ဆုံခြင်း အခမ်းအနားကို သြဂုတ် ၂၂ ရက် နေ့ နံနက် (၉) နာရီက ပြည်ထောင်စုဝန်ကြီးရုံး အစည်းအဝေးခန်းမ၌ ကျင်းပပြုလုပ်ရာ စိုက်ပျိုးရေး၊ မွေးမြူရေးနှင့် ဆည်မြောင်း ဝန်ကြီးဌာန ပြည်ထောင်စု ဝန်ကြီး ဒေါက်တာအောင်သူက လုပ်ငန်းဆိုင်ရာများ ဆွေးနွေးမှာကြားသည်။

Read more...

အစိုးရသစ်၏ ပထမ ရက် ၁ဝဝ ကာလအတွင်း ဆောင်ရွက်ခဲ့မှု စတုတ္ထအကြိမ် သတင်းစာရှင်းလင်း▄ သက်ဆိုင်ရာဝန်ကြီးဌာနများက ရှင်းလင်းပြောကြားပြီး မေးမြန်းချက်များ ဖြေကြား

နေပြည်တော် သြဂုတ် ၂၃

အစိုးရသစ်၏ ပထမရက် ၁ဝဝ ကာလအတွင်း ဆောင်ရွက်ခဲ့မှုများနှင့် ပတ်သက်သည့် စတုတ္ထအကြိမ် သတင်းစာရှင်းလင်းပွဲကို ယနေ့ မွန်းလွဲပိုင်းတွင် ပြန်ကြားရေးဝန်ကြီးဌာန စုပေါင်းအစည်းအဝေးခန်းမ၌ ကျင်းပရာ ပြန်ကြားရေး ဝန်ကြီးဌာန၊ ပညာရေးဝန်ကြီးဌာန၊ စီးပွားရေးနှင့် ကူးသန်းရောင်းဝယ်ရေး ဝန်ကြီးဌာနနှင့် စက်မှုဝန်ကြီးဌာနတို့မှ ရှင်းလင်းပြောကြားပြီး မေးမြန်းချက်များကို ဝန်ကြီးဌာနအလိုက် ကိုယ်စားလှယ်များက ဖြေကြားကြသည်။

Read more...

တက္ကသိုလ်ဝင်ခွင့်လျှောက်ထားကြရာဝယ်

(22.8.2016) ကြေးမုံဆောင်းပါး (စောခိုင်)

၂ဝ၁၆ တက္ကသိုလ်ဝင်စာမေးပွဲ အောင်မြင်သူများ တက္ကသိုလ်ဝင်ခွင့်လျှောက်ထားခြင်းကို ၁၈-၈-၂ဝ၁၆ ရက်နေ့မှ ၃၁-၈-၂ဝ၁၆ ရက်နေ့ထိ အဆင့်မြင့်ပညာဦးစီးဌာန(ရန်ကုန်ရုံးခွဲ)၊ ရန်ကုန်ပညာရေးတက္ကသိုလ်၊ အားကစားရုံ၊ သထုံလမ်း၊ ကမာရွတ်မြို့နယ်၊ ရန်ကုန်မြို့တွင် ကောင်တာများဖွင့်၍ လက်ခံနေပြီဖြစ်ပါတယ်။၂ဝ၁၆ တက္ကသိုလ်ဝင်စာမေးပွဲ အောင်မြင်သူများသည် တက္ကသိုလ်ဝင်ခွင့်ပုံစံအိတ်ထုတ်ယူရန် တက္ကသိုလ်ဝင်စာမေးပွဲဖြေဆိုခဲ့သော စာစစ်ဌာနတွင် တက္ကသိုလ်ဝင်ခွင့်လျှောက်လွှာအိတ်နှင့် တက္ကသိုလ်ဝင်ခွင့် လမ်းညွှန်စာအုပ် တစ်စုံကို ၈ဝဝ (ရှစ်ရာကျပ်)ဖြင့် ဝယ်ယူရမည်ဖြစ်ပါသည်။

Read more...